Қазір прокуратура органдарын (Бас прокуратура, Құқық қорғау органдары академиясы, прокуратура, Құқықтық статистика және арнайы есепке алу жөніндегі комитет, оның аумақтық және оған теңестірілген органдары, Активтерді қайтару комитеті) жалпы штаттық деңгейі 5886 адамды құрайды. Бұған дейін штатта 5866 адам болған. Яғни, штат 20 адамға ұлғайған.
Сонымен қатар, қазір Комитет төрағасының бір емес, бірнеше орынбасары бар, оларды Комитет төрағасының ұсынуы бойынша Қазақстан Республикасының Бас Прокуроры қызметке тағайындайды және қызметтен босатады. Олардың міндеттері мен өкілеттіктерін Комитет төрағасы айқындайды.
Жарлық қол қойылған күнінен бастап күшіне енеді.
Заңсыз тәркіленген мүліктің қаншасы қайтарылғаны және бұл қаржы мектептерден бөлек тағы нелерге жұмсалатыны бұрын хабарланған болатын.
2023 жылдың қарашасында заңсыз алынған активтерді қайтару жұмыстары заңға сәйкес және мемлекет басшысы жүргізіп жатқан реформалар аясында жүргізіліп жатқаны хабарланды. Ол кезде 1 триллион теңгеге жуық активтер қайтарылды, оның ішінде 600 миллионға жуық доллар шетелден алынған.
Мемлекет басшысы 2023 жылғы 12 шілдеде "Заңсыз алынған мүлікті мемлекетке қайтару туралы" заңға қол қойды, оның аясында Активтерді қайтару жөніндегі комитет құрылды.
