"3GPP TS 23.041 халықаралық спецификациясы осы спецификацияға сәйкес ұялы хабар тарату арналарының атауларын стандарттайды, барлық телефон өндірушілері бұл атауларды операциялық жүйе деңгейінде мобильді құрылғыларында жүзеге асырады; Халықаралық спецификациямен қабылданған тақырып атаулары өзгермейді. Трансляция 4370 арнасында "Президенттік дабыл" және "Ұлттық ескерту" деген бекітілген атаумен жүргізілді, деп түсіндірді қалалық цифрландыру басқармасы.
Бұған дейін әкімдік 31 мамырда Алматыда Mass Alert жедел ескерту жүйесінің сынақтан өткізілетінін хабарлаған болатын. Әзірге Android операциялық жүйесі бар құрылғылар үшін. Екінші кезеңде iOS құрылғыларын пайдаланушылар жүйеге қосылады.
Mass Alert жүйесін пайдалана отырып, ұялы байланыс операторларының желі қамту аймағында да, бөлек таңдалған географиялық аймақтарда да ескертулер абоненттерге жіберіледі. Сонымен қатар, жүйе желілік кептеліс жағдайында жұмыс істейді.
Cell Broadcast технологиясының басты артықшылығы – қамту аймағындағы барлық абоненттерге бірден және жаппай хабарлау, деп атап өтті әкімдік. Сондай-ақ Mass Alert-ті Алматы қаласы Төтенше жағдайлар департаментінің жер сілкінісін ерте хабарлаудың автоматты жүйесімен біріктіру жоспарлануда.