Астана орталық мешітінің жанындағы жол қиылысы бір тәулікке жабылады

Астананың көлік және жол-көлік инфрақұрылымын дамыту басқармасы Қабанбай батыр даңғылы мен Хусейн Бен Талал көшесінің қиылысында Қабанбай батыр даңғылын орташа жөндеу жұмыстарын жүргізіп жатыр, деп хабарлайды Zakon.kz Астана әкімдігінің ресми сайтына сілтеме жасап.

Осыған байланысты 9 маусым сағат 22:00-ден 10 маусым сағат 22:00-ге дейін жоғарыда аталған учаске толығымен жабылады.

"Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды", - делінген хабарламада.