Күн тәртібіндегі өзекті мәселелердің бірі – еліміздің зардап шеккен 9 облысында су тасқынының зардаптарын жою.
Бұрын хабарланғандай, зардап шеккен барлық өңірлердегі тұрғын үйді қалпына келтіру жұмыстарына ҚР Өнеркәсіп және құрылыс министрі Қанат Шарлапаев жеке жетекшілік етеді.
Сурет: ҚР Өнеркәсіп және құрылыс министрлігі
Осы демалыс күндері Қанат Шарлапаев тағы да Батыс Қазақстан облысына барды.
Атап айтқанда, Министр Бөрлі ауданының Ақсу, Аралтал, Кеңтүбек, Пугачево ауылдарын аралап, салынып жатқан бірқатар нысандарды аралап, жергілікті әкімдік, құрылыс ұйымдары, бағалаушы компаниялардың өкілдерімен жұмыс кездесулерін өткізді.
Сондай-ақ, Министрдің бүлінген үйдің орнына жаңа баспананың кілтін алып жатқан облыс тұрғындарымен кездесуі жоспарланған.
Сурет: ҚР Өнеркәсіп және құрылыс министрлігі
Ағымдағы мәлімет бойынша Орал қ. су тасқынынан зардап шеккен азаматтарға 450 тұрғын үй жақын арада салынып бітеді.
Одан бөлек, Орал қаласында зардап шеккен азаматтарға жеке құрылыс салушылардан 580 пәтер сатып алу жоспарлануда.
