Комитеттің аумақтық департамент өкілдерінің тексеру нәтижесі бойынша ЖШС-мен мемлекет меншігіндегі көлемі 1,92 га жер учаскесін өз бетінше иеленіп алу фактісі анықталды.
"Осыған байланысты, Қазақстан Республикасының Әкімшілік құқық бұзушылық кодексінің 136 бабына сәйкес шаралар қабылданып, соммасы 553 мың теңге көлемінде айыппұл салынды және мемлекет кірісіне өндірілді",- делінген ведомствоның 17 шілдедегі ақпаратында.
ҚР ӘҚБтК-нің 136-бабында жазылғандай, мемлекеттік жер учаскелерін заңсыз иемдену немесе айырбастау не жерге мемлекеттік меншік құқығын тікелей немесе жанама түрде бұзатын басқа да мәмілелер жасау, сондай-ақ уақытша иеленетін мемлекеттік жерлерді уақтылы қайтармау келесі мөлшердегі айыппұлдарды салуға әкеп соғады:
- жеке тұлғаларға - 75 АЕК (276 900);
- лауазымды адамдарға, шағын кәсiпкерлiк субъектiлерiне немесе коммерциялық емес ұйымдарға - 100 АЕК (369 200);
- орта кәсiпкерлiк субъектiлерiне - 150 АЕК (553 800);
- iрi кәсiпкерлiк субъектiлерге - 700 АЕК (2 584 400).