Заң республикада экологиялық таза көлікті танымал етуге және электромобильдер инфрақұрылымын дамытуға бағытталған.
Атап айтқанда, заң Жер кодексіне, "Қазақстан Республикасындағы жергілікті мемлекеттік басқару және өзін-өзі басқару туралы", "Қазақстан Республикасындағы сәулет, қала құрылысы және құрылыс қызметі туралы", "Автомобиль жолдары туралы", "Автомобиль көлігі туралы", "Электр энергетикасы туралы", "Ерекше қорғалатын табиғи аумақтар туралы" және "Жол қозғалысы туралы" заңдарға өзгерістер мен толықтырулар енгізеді.
Жер кодексіне электрмен жүретін көліктер үшін жалпыға ортақ жер телімдерін беру және электр зарядтау станцияларын, оның ішінде ерекше қорғалатын табиғи аумақтар жерлерінде орналастыру мәселелері бойынша өзгерістер енгізілуде.
"Қазақстан Республикасындағы жергілікті мемлекеттік басқару және өзін-өзі басқару туралы" Заңында жергілікті атқарушы органдардың құзыреті электр зарядтау станцияларын орналастыру мәселелері бойынша шешімдер қабылдау өкілеттіктерімен толықтырылған.
"Электр энергетикасы туралы" Заңда "электр зарядтау станциясы" деген жаңа ұғым енгізілді. Электр қуатын қосу, пайдалану және тұтыну кезінде электр зарядтау станцияларының қауіпсіз жұмыс істеуіне қойылатын талаптар белгіленді.
"Жол жүрісі туралы" заңға "электромобиль" түсінігі енгізілген. Азаматтардың мынадай жеңілдікті санаттары көлік құралдарын пайдаланғаны үшін төлемақыдан босату ұсынылады: Ұлы Отан соғысының ардагерлері, басқа мемлекеттердің аумағындағы соғыс қимылдарының ардагерлері, Ұлы Отан соғысы ардагерлеріне жеңілдіктер бойынша теңестірілген ардагерлер, еңбек ардагерлері, І және ІІ топтағы мүгедектер: мүгедек баланың заңды өкілдері, көп балалы аналар, Семей ядролық сынақ полигонындағы ядролық сынақтар нәтижесінде зардап шеккен азаматтар, электр көліктерінің иелері.
Сонымен қатар, "Тб" және "Д" санаттары жүргізушілеріне сұраныстың артуы мәселесін шешу үшін 23 жастан бастап көлік құралдарын басқаруға рұқсат беру талаптары жеңілдетілді, сондай-ақ жүргізуші ретіндегі еңбек өтілі қысқартылды. "D1" кіші санаты үшін 3 жылға дейін, кемінде бір жыл;
