Бұл туралы бүгін, 23 шілдеде ҚР Еңбек және халықты әлеуметтік қорғау министрлігі мәлімдеді.
Ақпаратқа сүйенсек, жұмыс іздеушілер тарапынан басшылық лауазымдарға үміткерлерді қоспағанда, ең жоғары жалақыны өз түйіндемелерінде ұшқыштар (орта есеппен 1 млн теңгеден бастап), кеме капитандары (~933 мың теңге) және коммерциялық кәсіпорындардың құрылымдық бөлімшелерінің басшылары (~920 мың теңге) көрсетті.
Маусым айында білікті қызметкерлер арасында ең танымал мамандықтар автокөлік жүргізушілері (1,7 мың бос жұмыс орны), медбикелер (1,6 мың бос жұмыс орны) және тәрбиешілер (1,5 мың бос жұмыс орны) болды.
Бұл ретте PR-менеджерлерге (+1,2 мың бос жұмыс орны), іс жүргізушілерге (+948 бос жұмыс орны) және автоматтандыру инженерлеріне (+235 бос жұмыс орны) сұраныс артты.
2024 жылғы маусымда Enbek.kz электрондық еңбек биржасында жұмыс берушілер 94,4 мың бос жұмыс орнын, ал жұмыс іздеушілер – 88,9 мың түйіндеме орналастырды.
Мамыр айымен салыстырғанда бос орындар саны 8,6 мың бірлікке (+10%) өсті, ал түйіндеме – 9,6 мың бірлікке (-9,7%) қысқарды.
Жұмыс берушілердің белсенділігі:
- Атырау облысы -7 мың.;
- Жамбыл облысы - 6,7 мың.;
- Астана қаласы - 6,7 мың.;
- Алматы қаласы - 6,2 мың.
18 шілдеде енді еңбек иммигранттарымен электрондық еңбек шартын жасасуға болатындығын хабарладық.
