Бұл туралы қала билігі Telegram-арнасында тиісті мәлімдеме жасады.
"Жаңа оқу жылы (мектеп оқушылары, студенттер) штаттық режимде 1 қыркүйек күні басталады. Дүниежүзілік көшпенділер ойындарының өтуіне байланысты жазғы демалыс ұзартылмайды." Астана қаласы әкімдігінің баспасөз қызметі
2024 жылдың 24 маусымында V Дүниежүзілік көшпенділер ойындарына байланысты Астананың оқушылары мен студенттерінің жазғы демалысы ұзартылуы мүмкін екені белгілі болды. Бірақ араға бір ай салып, 24 шілдеде ҚР Ғылым және жоғары білім министрі Саясат Нұрбек спартакиаданы өткізу студенттерге ешқандай әсер етпейтінін айтты. Ол мектеп оқушылары үшін оқу жылының басын қайта қарауға болатынын айтты.
