Ол өтпелі министрлер кабинетінің басшысы ретінде ант берді. 84 жастағы Юнусті премьер-министр етіп тағайындау шеруге шыққан студенттердің талабы еді.
Ал ел үкіметін 15 жыл басқарған Шейх Хасина апта басында Үндістанға кетуге мәжбүр болды.
Бангладеште жұмыс квоталарын алып тастауды талап еткен студенттер шеруі шілдеде басталды. Полиция демонстранттарға күш көрсетті, деп жазады qazaqstan.tv.
Тәртіпсіздіктер кезінде 300-ге жуық адам қаза тапқан. Бұдан кейін шеру премьер Хасинаны биліктен кетіру науқанына ұласты.