ЖШС-ның 20 қыркүйекте таратқан ақпаратына сүйенсек, шабуылдаушылар энергетикалық компаниялардың қызметкерлерінің атынан қоңырау шалуда.
"Ресми түрде еске саламыз, "АлматыЭнергоСбыт" ЖШС қызметкерлері Жылжымайтын мүлік иелерімен электр энергиясы мәселесінде тек қана берешек бойынша байланысады. Оператор әрдайым өзін таныстырады, қарыз сомасын хабарлайды және төлем жасалмаған жағдайда электр қуатын өшіру туралы ескертеді",- делінген хабарламада.
Электр есептегіштерін тексеруге немесе ауыстыруға келетін болсақ, бұл электр желілері иесінің жауапкершілік аймағына кіреді.
"Егер сіздің шоттарыңызда АлматыЭнергоСбыт логотипі болса, онда желілер "Алатау Жарық Компаниясына" АҚ ( "АЖК" АҚ) тиесілі және олар есептегіштерге қызмет көрсетумен айналысады. "АЖК" АҚ бұл мәселелер бойынша ешқашан қоңырау шалмайтындығын атап өткен жөн. Олардың есепке алу аспаптарын тексеру немесе ауыстыру туралы хабарламалары тек жазбаша түрде жіберіледі"."АлматыЭнергоСбыт" ЖШС
Сондай-ақ, егер сізге "АЖК" АҚ-нан қоңырау шалып, шара қолдануды талап етсе, бұл алаяқтыққа күдіктенуге негіз болатындығы атап өтілді.
