Риэлторлық агенттіктер мен жылжымайтын мүлік сайттарының деректері бойынша Көкшетау, Ақтау және Ақтөбедегі жалдамалы пәтерлер айтарлықтай арзандады.
Мәселен, Ақтауда Бекет ата мешітінің маңында айына 150 000 теңгеге жиһазбен және теледидармен 1 бөлмелі пәтер жалдауға болады. Қалада бағаның төмендеуі 4%-ды құрады.
Ақтөбеде ("ескі қала" ауданы) осындай пәтердің құны 130 000 теңгені құрайды (5%-ға төмендеді).
Көкшетауда Назарбаев даңғылында жиһазбен жабдықталған "бір бөлмелі пәтердің" жалға алу құны 140 000 теңгені құрайды (4%-дық төмендеу).
Алматыда да жалдамалы пәтерлер арзандады. Аймақта екі жыл ішінде бағалар 5%-ға төмендеді. Мұнда екі фактор рөл атқарды, деп есептейді риэлторлық компанияның директоры Индира Рахымбекова.
"Екі жыл бұрын, Алматы Ресейден релоканттардың келуіне байланысты бұрын-соңды болмаған пәтер құнының шарықтауын бастан өткерді. Одан кейін жағдай тынышталды және жалдау құны, тіпті қатты инфляцияға қарамастан, төмендеді". Индира Рахымбекова
Екінші фактор, жылжымайтын мүлік маманының пікірінше, 2024 жылы теңгенің құнсыздануымен және жалға алушылардың тұрудың неғұрлым бюджеттік нұсқаларына көшуімен байланысты, бұл әсіресе жоғары оқу орындарының студенттеріне қатысты.
"Бүгінгі таңда студенттерге бір бөлмелі пәтерді емес, екі бөлмелі пәтерді жалға алу тиімдірек. Сонда бір адамға жалдау ақысы айтарлықтай азаяды". Индира Рахымбекова
Маманның пікірінше, осы факторларға сүйене отырып Алматыдағы жалға алу құнының орта есебін шығарудың мәні жоқ.
Қазақстанның басқа қалалары бойынша жиһазбен, ыдыс-аяқпен, теледидармен және Wi-Fi-мен қамтылған бір бөлмелі пәтердің теңгемен есептегендегі орташа құны келесідей:
- Астана – 190 000
- Ақтау-130 000
- Ақтөбе-130 000
- Атырау – 140 000
- Қарағанды – 140 000
- Қостанай – 130 000
- Павлодар – 130 000
- Петропавл – 140 000
- Орал – 140 000
- Өскемен – 120 000
- Шымкент – 150 000
- Көкшетау-140 000
Оқи отырыңыз: Алдағы демалыс күндеріне синоптиктер алматылықтарға ескерту жасады
