Zakon.kz меншікті тілшісінің хабарлауынша, Toyota Camry 70 көлігі Әшімов көшесімен оңтүстік бағытта жүріп бара жатқан.
Алдын ала мәлімет бойынша, бұл көлікті қыз айдаған.
Сурет: Zakon.kz
Ол бағдаршамның қызыл түсіне тоқтап, "жасыл" жанған кезде қозғала бастаған.
Сурет: Zakon.kz
Осы кезде қара Toyota Camry 40 жол қиылысына жоғары жылдамдықпен шыққан.
Сурет: Zakon.kz
Бойжеткен әрекет етіп үлгермей, осы көліктің бүйіріне соғылған. Салдарынан қара түсті Camry жүргізушісі рөлге ие бола алмай, жолдан шығып кеткен.
Сурет: Zakon.kz
Көлік жол жиегіне соғылған. Ол жолай камералары бар бағдаршамның электрлік басқару қалқанын да қиратқан. Осы кезде оның сол жақ артқы дөңгелегі де шығып кеткен.
Сурет: Zakon.kz
Осыдан кейін көлік азық-түлік дүкеніне қарай "ұшып кетіп", су құрылғысы мен осы дүкеннің бір бөлігін қиратқан. Көліктің екінші артқы дөңгелегі де шығып, тар көшеге түсіп кеткен.
Сурет: Zakon.kz
Қара түсті Camry Сәбденов көшесінің шығыс бағытындағы қоршауға соғылып, содан кейін ғана тоқтаған.
Сурет: Zakon.kz
Оқиға салдарынан қара түсті Toyota жүргізушісі зардап шекті. Ол ауруханаға жатқызылды. Кейінірек жүргізушінің бүлінген көлікті жалға алғаны белгілі болды.
Сурет: Zakon.kz
Жол полициясы оқиғаның басқа да мән-жайын анықтап жатыр.
