Жыл басынан бері мал ұрлығына қатысты полицейлер 27 қылмысты ашқан.
Сондай-ақ жоғалған 70 мал иелеріне қайтарылған. Жүргізілген жедел-іздестіру шаралары нәтижесінде мал ұрлығымен айналысқан 1 қылмыстық топ құрықталып, 7 адам ұсталды.
Атырау облысы полиция департаменті облыс көлемінде мал ұрлығы қылмысының алдын алып, ашуға бағытталған іс-шараларды жүйелі түрде ұйымдастыруда.
Айта өтейік, мал ұрлау, яғни бөтеннің малын жасырын жымқыру – мүлкі тәркіленіп, үш мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не бес жылға дейiнгі мерзімге бас бостандығын шектеуге, не сол мерзімге бас бостандығынан айыруға жазаланады.