Әлібек Бақаев қазіргі уақытта ресми деректер бойынша Оңтүстік Кореяда 30 мың қазақстандық бар екенін атап өтті.
"Қазақстан азаматтарының Кореяда көп болуының себептерінің бірі-визасыз режим... Қазір біз Оңтүстік Кореяға, ең алдымен жұмыс үшін барғысы келетін азаматтарымызға Қазақстанда алдын ала қажетті дайындық курстарынан, тілдік курстардан өтуге, Оңтүстік Кореяның дәстүрлерін, заңнамасын зерделеуге мүмкіндік беретін Оңтүстік Кореяның Employment permit System (EPS) жүйесіне қосылу бойынша жұмыстар жүргізіп жатырмыз, бұл оларға шетелде қауіпсіз өмір сүруге көмектеседі", — дейді спикер.
Оның айтуынша, құжат ратификациялауға жатпайды.
"Бұл ведомствоаралық техникалық құжат. СІМ, елшілік процеске қатысады. Біз жақын арада Оңтүстік Кореямен түпкілікті келісімге, меморандумға келеміз деп үміттенемін", – деді Бақаев.
Бұған дейін Сыртқы істер министрлігі Оңтүстік Кореядағы қазақстандықтарға біраз кеңес бергені хабарланған болатын.