Оқиға орнына апаттық бригада 10 минут ішінде жетті.
"Мамандар апатқа BMW маркалы автокөліктің жоғары қысымды жер үсті газ құбырына соғылуы себеп болғанын анықтады. Соққы салдарынан газ құбыры екі жерден жарылған, сондай-ақ 40 метрден астам газ құбырының деформациясы орын алды. Төтенше жағдай тобы газдың ағып кетуін тез арада оқшаулап, қақпа клапанын жауып, ықтимал салдардың алдын алды. Бұған қоса, оқиға туралы техникалық акт жасалды". QazaqGaz Aimaq баспасөз қызметі
Сурет: QazaqGaz Aimaq
Апат салдарынан газбен жабдықтаусыз қалды:
- 21 өнеркәсіптік кәсіпорын;
- 153 коммуналдық-тұрмыстық кәсіпорындар;
- 6 821 жеке сектор абоненті.
Оқиға орнына полиция қызметкерлері шақырылды.
Сурет: QazaqGaz Aimaq
Белгілі болғандай, апат салдарын "QazaqGaz Aimaq"АҚ авариялық-қалпына келтіру қызметінің 40-тан астам маманы жоюда. Компания үйлер мен кәсіпорындарға газ беру барлық қажетті жұмыстар аяқталғаннан кейін бірден қайта басталады деп сендірді.