Атырау облыстық ішкі мемлекеттік аудит департаменті басшысының орынбасары Зоя Сапарованың сөзінше, Жылыой ауданының орталығы – Құлсарыдағы №2 балалар-жасөспірімдер спорт мектебіне аудиторлық іс-шара жүргізілген, деп хабарлады kazinform.kz.
"Аудиттің нәтижесінде жалпы сомасы 55 млн 354,7 мың теңгенің қаржылық бұзушылығы анықталды. Мектеп басшысының тарапынан қаржының жұмсалуына тиісті қадағалау жүргізілмеген. Әсіресе, мектептің банктік есепшоты арқылы жүргізілген операциялардың дұрыстығы қамтамасыз етілмеген. Мекеменің бас есепшісі 2020-2024 жылдары аралығында еңбекақы, іс-сапарға шығу, еңбек демалысы және сауықтыру қаржысын төлеуге бұйрықтар рәсімделмесе де, негізсіз аударып жіберген", - деп хабарлады Зоя Сапарова.
Оның айтуына қарағанда, анықталған бұзушылықтарға байланысты бас есепшіге қатысты қылмыстық іс қозғалған.
Сот заңсыз аударылған қаржыны қайтаруды міндеттеген шешім шығарған.