Қазақстан Республикасының аумағында еңбек қызметін жүзеге асыру үшін шетелдік жұмыс күшін тартуға арналған 2025 жылға арналған жұмыс күшіне пайыздық қатынастағы квота:
- жергілікті атқарушы орган жұмыс берушіге берген рұқсаттар үшін 0,2 % мөлшерінде;
- еңбек иммигранттарын тарту үшін – 3% мөлшерінде.
Бұйрық 2025 жылдың 17 қаңтарынан бастап қолданысқа енгізіледі.
Еске салайық, 2024 жылы жалпы квота республикадағы жұмыс күшінің 0,23 пайызы немесе 22 мың бірлік көлемінде белгіленген болатын.
Бұл ретте үй шаруашылығында жұмыс істеуге еңбек иммигранттарын тарту квотасы республикадағы жұмыс күшінің 3,1% немесе 271,3 мың бірлік мөлшерінде белгіленді.