Ақмола облысының қылмыстық істер жөніндегі соттың ақпаратынша, сотталушы мен оның танысы және жәбірленуші бірге спирттік ішімдік ішкен. Алайда, отырыс барысында дау-дамай туындап, ер адам әйелді жіп арқанмен тұншықтырып, өлтірген.
"Қылмысты жасыру мақсатында Б. бірге тұратын Д.-мен мәйітті орман ішіне апарып, алдын ала үстіне еріткіш құйып, өртеген. Аталған қылмыстық іс алқабилердің қатысуымен қаралды",- деп мәлімдеді сот.
Сот үкімімен Б.-ға 12 жыл, Д.-ға 5 жылға бас бостандықтарынан айыру жазасы тағайындалды.
"Жаза тағайындауда сот ауырлататын мән-жайлар ретінде қылмыстың масаң күйінде жасалғандығын, бұрын ауыр қылмыс жасағаны үшін сотталған Б.-ның әрекеттерінде қауіпті рецидивтің болуын ескерді",- деп атап өтті.
Сот үкімі заңды күшіне енген жоқ.
Бұған дейін Қазақстан азаматы Apple компаниясының басшылық лауазымына тағайындалғандығы хабарланған болатын.