Пилоттық жобаның негізгі мақсаты – шетел азаматтарының Қазақстан Республикасының шетелдегі мекемелері мен Министрлік арқылы мемлекеттік қызметтерді алуына қолайлы жағдайлар мен мүмкіндіктерді қамтамасыз ету және ұйымдастыру.
Республиканың шетелдегі мекемелері жеке сәйкестендіру нөмірін (ЖСН) тіркеуге өтініштерді қабылдап, нәтижесін шетелдіктерге береді деп жоспарлануда.
Қазақстан Республикасының Сыртқы істер министрлігі өз кезегінде шет мемлекеттердің дипломатиялық және оларға теңестірілген өкілдіктеріне, халықаралық ұйымдарға немесе олардың өкілдіктеріне, шет мемлекеттердің Қазақстан Республикасындағы консулдық мекемелеріне ЖСН тіркеуге өтініштерді қабылдайды және оның нәтижелерін береді.
Мемлекеттік қызмет көрсету алгоритмі
Мемлекеттік қызметті Қазақстан Республикасының Ішкі істер министрлігі Республиканың шетелдегі мекемелері арқылы:
- әлеуетті инвесторлар;
- тауарлар мен дәрілік заттарды экспорттаушылар;
- Қазақстан Республикасы азаматтарының жұбайы болып табылатын шетел азаматтары (ЗАГС АЖ-да азаматтық хал актілерін тіркеу туралы белгі қою үшін);
- ата-анасының бірі Қазақстан Республикасының азаматы болып табылатын шет мемлекеттің балалары (16 жасқа толмаған);
- мұраны қабылдайтын шетел азаматтары;
- Digital Nomad Residensy және Digital Nomad Visa бағдарламаларының әлеуетті қатысушылары;
- мүмкіндігі шектеулі шетел азаматтары;
- 65 жастан асқан шетел азаматтары.
Министрлік арқылы:
- дипломатиялық өкілдіктердің қызметкерлері.
- Мемлекеттік қызметті көрсету мерзімі – бір жұмыс күні.
Құжат 6 ақпанға дейін қоғамдық талқылау үшін Ашық НҚА веб-сайтында орналастырылған.
Пилоттық жоба 2025 жылдың соңына дейін жұмыс істейді деп күтілуде.