Күдікті жиһаз салондарының бірінде менеджер болып жұмыс істеген. Клиенттердің жиһаз сатып алатын ақшасын өз жеке шотына аудартып, қолма-қол төленген сомаларды өзіне алған.
Алдын ала жүргізілген зерттеулерге сәйкес, мұның салдарынан тұрғындарға келтірілген шығын шамамен 5 миллион теңгені құрайды.
Қазіргі уақытта күдіктіге қатысты 13 эпизод бойынша сотқа дейінгі тергеу амалдары жүргізіліп жатыр.
"Тергеу жұмыстары жалғасып жатыр. Полиция қызметкерлері алаяқтық құрбаны болған азаматтарды 102 нөміріне немесе өздерінің тұрғылықты жері бойынша аумақтық полиция бөліміне хабарласуды сұрайды", - деп хабарлады полиция.