Талдау барысында кәсіпорын халық пен кәсіпкерлерден электр энергиясын қосқаны үшін артық соманы заңсыз алғаны анықталды.
Мысал ретінде "Ермағамбетова" ЖК-нен 160 мың теңгеден астам қаражат өндірілді, оның ішінде ғимаратты 380 вольтты электр желісіне қосқаны үшін 70 мың теңге заңсыз өндірілді.
Прокуратураның қадағалау актісі бойынша электр энергиясын қосуға арналған шығындарды қайта есептеу жүргізілді: халық үшін қосылу құны 36%-ға, ал кәсіпкерлер үшін – 61%-ға (380 вольт) және 52%-ға (220 вольт) төмендетілді. Кәсіпорын басшылығы тарифтердің негізсіз өсуі үшін тәртіптік жауапкершілікке тартылды.
Бұған дейін ШҚО-да полиция 14 жыл жасырынып жүрген алаяқты ұстағаны хабарланған болатын.