Ведомствоның 20 ақпандағы мәліметі бойынша, екі балалар мен жасөспірімдер спорт мектебінің директорлары бюджетке түсуге жататын спорт алаңдары мен залдарын жалға беру қызметтері үшін алынған қаражатты негізсіз иемденгені анықталды.
Олар 12 млн теңгеден астам бюджет қаражатын жеке қажеттіліктеріне, соның ішінде букмекерлік кеңселерде жұмсаған. Аталған фактілер бойынша прокуратура 2 қылмыстық іс тіркеді. Тергеуді облыстық Экономикалық тергеу департаменті жүргізді.
Осы жылдың 10 қаңтарында тергеу аяқталып, қылмыстық іс (істер біріктірілді) мәні бойынша қарау үшін сотқа жолданды.
Ал Қызылордада облыстық "Дарын" қосымша білім беру орталығының бас есепшісі 50 миллион теңгені жымқырып үлгерген.