Төтенше жағдайлар департаментінің күшімен авариялық-құтқару жұмыстары жүргізілді. Қар құрсауынан құтқарушылар жолдың тазартылған учаскесіне 362 адам мінген 152 автокөлік құралын шығарып алды. Зардап шеккендер жоқ.
ТЖМ азаматтарға сақтық шараларын сақтауға, дауылды ескертулерді қадағалауға және қолайсыз ауа райы жағдайында алыс сапарларға шықпауға үндеді. Сондай-ақ құтқарушылар ауыл тұрғындарына аұзақ серуендеуден бас тартуды ескертті.
Еске салайық, бұған дейін ауа райының бұзылуына байланысты Маңғыстау облысында көлік қозғалысы шектелгенін хабарлаған едік.
"Доссор-Құлсары-Бейнеу-Сайөтес-Шетпе-Жетібай-Ақтау" автожолының 332-642-шақырым аралығында (Бейнеу а. - Шетпе а.) жүк көліктерінің қозғалысына шектеу қойылды", - деп хабарлады "ҚазАвтоЖол" компаниясы.
Жолды 2025 жылғы 28 ақпан сағат 10:00-де ашу жоспарланған.