2024 жылғы көктемде екі жастағы бүлдіршінді қатыгездікпен азаптап өлтірген екі әйелдің қылмысы әшкере болған.
КТК телеарнасының хабарлауынша, Бес бала асырып алған отбасында бір балақайдың басы жарылып, ауруханаға түскен. Сол кезде қамқоршысы шатасып, ауырған баланың емес, өлген баланың туу туралы куәлігін апарған.
Полиция басы жарылған баланың жарақаты оқыс құлағаннан емес, әдейі ұрғаннан болуы мүмкін деп күдіктеніп, тексеріс жүргізсе, асырап алған баланың бірі төрт жыл бұрын көз жұмғаны анықталған. Оның мәйітін жер үйдің ауласына көміп тастаған.
Сотта марқұм баланың әжесі кінәнің бәрін өз мойынына алып, 21 жылға сотталса, шешесі 4 жыл 6 айға бас бостандығынан айырылды.
"Кухаль Надежда Васильевна сот үкімі бойынша 21 жылға бас бостандығынан айрылсын. Өмір бойына педагог қызметін көрсету мен кәмелетке толмаған балалармен жұмыс істеу құқығынан айрылсын. Ал Трофимова 4 жыл 6 ай мерзімінде бас бостандығынан айырылып, кінәсін орта деңгейдегі қылмыстық атқару мекемесінде өтесін".Ақмола облысы қылмыстық істер жөніндегі мамандандырылған ауданаралық сот судьясы Дархан Бейісов