ҚР Денсаулық сақтау министрлігінің мәліметінше, өткен жылдың сәйкес кезеңімен салыстырғанда сырқаттанушылық деңгейінің 6 есе төмендеуі байқалады.
Жалпы, ЖРВИ, тұмау, КВИ ауруларының алдын алу үшін Денсаулық сақтау министрлігі профилактикалық шараларды сақтауды ұсынады:
- адамдар көп жиналатын орындарға, әсіресе жабық үй-жайларға баруды шектеу;
- үй-жайларды үнемі желдету; қолды тазарту үшін антисептиктерді немесе дезинфекциялық майлықтарды пайдалану;
- науқас адамдармен байланысын шектеу, олардың оқшаулануын қамтамасыз ету.
Ағымдағы эпидемиологиялық маусымның басынан бастап республикамызда ЖРВИ-дің 3,6 миллионнан астам жағдайы тіркелді, бұл - өткен маусымның ұқсас кезеңіне қарағанда 13%-ға аз.
"Осы эпидемиологиялық маусымда зертханалық расталған тұмаудың 2934 жағдайы тіркелді, бұл өткен эпидемиологиялық маусымның деңгейіне сәйкес келеді.Тұмауға қарсы 2,3 миллионнан астам адам егілді, бұл ҚР халқының 11,6%-ын құрайды, ДДҰ ұсынған жағдайда кемінде - 10%. Ағымдағы эпидемиялық маусымның басынан бастап республика бойынша ЖРВИ тудыратын вирустарға 15 270 үлгі зерттелді, әртүрлі вирустардың, соның ішінде риновирус, вирус, аденовирус, паратұмау, метапневмовирус, бокавирус және басқалардың айналымы белгіленді". ҚР ДСМ баспасөз қызметі
Бұған дейін 2025 жылы 24 ақпанда ҚР Денсаулық сақтау министрлігі мәлімдеме жасап, қытайлық ғалымдардың жарқанаттардан жаңа коронавирус тапқаны туралы ақпаратқа да пікір білдірген болатын.