Іс-шара барысының видеосымен блогер Ринат Галлямов әлеуметтік желіде бөлісті.
Видеода топ кимешектегі аналар халық әні "Сәулем-айды" орындап, сол маңдағы адамдарды Наурыз мерекесімен құттықтайды.
Кимешек – күйеуге шыққаннан соң қазақ әйелдерінің киетін бас киімі. Еуразия кеңістігінде көптеген елдерде, оның ішінде қазақ халқында өте көнеден қалыптасқан дәстүр бойынша әйел адам шашын жауып жүретін болған. Кимешектердің әшекейленуі әйелдердің жас ерекшеліктері мен олардың әлеуметтік орнын аңғартады. Айталық, жас келіншектерге арналған кимешектің бет жақтауы кеңдеу болады. Қызыл, күлгін түсті жіптермен кестеленген жас келіншектердің кимешектері көздің жауын алады. Оның сыртынан шылауыш тартады. Ал мосқал тартқан әйелдердің кимешегінің бет жақтауы тарлау келеді де, әдемі кестеленеді, бірақ әшекейленбейді.
Бүгін робот-гуманоидтар алматылықтар мен қала қонақтарын Наурыз мейрамымен құттықтауда. Оларды Қабанбай батырдан Төле биге дейінгі Панфилов көшесінде сағат 22:00-ге дейін кездестіруге болады.