Ерейментау аудандық ауруханасының мәліметінше, зардап шеккендер жедел жәрдемге 18 сәуір күні сағат 21:50-де түскен.
"Жеті кәмелетке толмаған бала ауруханаға жатқызылды, олардың біреуі жансақтау бөлімінде, оған аймақтық нейрохирург кеңес беріп, симптоматикалық емдеуді ұсынды", - деп хабарлады медициналық мекеме.
Хирургия бөлімінде жеңіл және орташа жарақат алған алты бала емделіп жатқаны белгілі болды. Оқыс оқиғадан зардап шекпеген команданың тоғыз мүшесі уақытша аурухананың бөлімшесіне жатқызылған, ата-аналарын күтуде.
"Барлық қажетті медициналық және ұйымдастыру шаралары қабылданды", - деп хабарлады аурухана.
Ауруханада жатқан команда мүшелерінің жағдайы тұрақты деп бағаланып отыр.