Атмосфералық фронттардың жылжуына байланысты еліміздің басым бөлігінде ауа райының тұрақсыз сипаты күтіледі: жаңбыр жауып, найзағай ойнайды, желдің күшейіп, бұршақ түсуі де мүмкін.
Нөсер жаңбыр мына өңірлерде күтіледі:
- 27 сәуірде Батыс Қазақстан, Ақмола облыстарында;
- 28 сәуірде Қостанай, Ақмола, Солтүстік Қазақстан облыстарында.
Республикамыздың батысында, шығысында, оңтүстік-шығысында тұман түседі деп күтіледі.
"26 сәуірге қараған түні Абай облысында, 26-27 сәуірде Шығыс Қазақстан облысында 1-3 градус аяз болып, түнде үсік жүреді деп болжанады", делінген хабарламада.
Бұған дейін синоптиктер Астана, Алматы және Шымкент қалаларында алдағы үш күнде ауа райы қандай болатынын айтып, өз болжамдарымен бөліскен.