28 сәуірде ауданаралық азаматтық сотта хабарланғандай, талапкер жауапкермен интернет арқылы танысып, онымен WhatsApp мессенджері арқылы хат алысқанын көрсеткен.
Хат алмасу барысында жауапкер денсаулығына байланысты материалдық көмек сұраған. Талап қоюшы Kaspi қосымшасы арқылы, оның телефон нөміріне ақша қаражатын аударған.
"Істі қарау барысында тараптар арасында жеке (романтикалық) қарым-қатынастар болғаны анықталды, осыған орай талап қоюшы материалдық көмекті ерікті түрде көрсеткен. Тараптар арасында қарыз шартына сәйкес міндеттемелердің болғанын дәлелдейтін айғақтар ұсынылмаған. Kaspi сервисі арқылы жүргізілген аударымдарда ақшаны қайтару немесе басқа да міндеттемелер туралы шарттар болмаған." Астана қаласының азаматтық істер жөніндегі ауданаралық соты
Сот талапты қанағаттандыруға негіз жоқ деген шешімге келді. Себебі Азаматтық кодекстің 954-бабына сәйкес, қайырымдылық, материалдық көмек немесе сый ретінде берілген ақша негізсіз баю ретінде қайтарылуға жатпайды.
Сот шешімімен талап қоюшының талабы қанағаттандырылмады.
Талап қоюшы сот шешіміне шағым түсіргенімен, Астана қалалық сотының азаматтық істер жөніндегі сот алқасының қаулысымен шешім өзгеріссіз қалдырылды.
Сот актісі заңды күшіне енді.