Ішкі істер министрлігінің Есірткіге байланысты қылмысқа қарсы күрес комитеті балалар мен жасөспірімдердің мінез-құлқындағы өзгерістерге назар аударуға шақырды. Күдікті интернет-ресурстар, кодтары бар граффити және заңсыз сатуға қатысты жарнамалар туралы хабарлаңыз.
Жаңа түрдегі есірткі қауіптерінің тез таралуы мен жастарды заңсыз есірткі айналымына тартуда цифрлық арналардың қолданылуына байланысты біз қоғам ретінде балаларымызды, жақындарымызды және еліміздің болашағын қорғау үшін күшімізді біріктіруіміз қажет.
Сурет: ҚР ІІМ
Алайда бұл мәселені тек құқық қорғау органдарының күшімен шешу мүмкін емес. Сіздерді бейжай қалмауға шақырамыз. Балалар мен жасөспірімдердің мінез-құлқындағы өзгерістерге назар аударыңыздар, деп ескертті полиция қызметкерлері.
"Заңсыз сату бойынша күдік тудыратын интернет-ресурстарға, граффити мен кодтары бар жарнамаларға мән беріңіздер. Біз әр өңір бойынша кері байланыс үшін телефон нөмірлерін қалдырамыз. Сіз маңызды ақпаратты анонимді және қауіпсіз түрде хабарлай аласыз. Бұл қылмыстың алдын алып, біреудің өмірін құтқаруға көмектесуі мүмкін. Кәмелетке толмағандарды есірткі ортасына тартуды азайту — бәрімізге ортақ міндет. Бейжай қалмай, белсенділік танытқан әр азаматқа алғыс білдіреміз", – деді ІІМ есірткі қылмысына қарсы іс-қимыл комитеті төрағасының міндетін атқарушы Данияр Мейірхан.