Ведомствоның баспасөз қызметі елордалық полкте түрлі ұлт өкілдері қызмет ететінін атап өтті. Мереке қарсаңында олар өздерінің мәдениеті мен салт-дәстүрінің элементтерін жауынгер әріптестеріне көрсетті.
"Құқық қорғау органдары жыл сайын Ұлттық бірлік күніне орайластырылған "Бір тудың астында", "Бірлік тағылымы", "Қазақстан – ортақ үйіміз" іс-шараларын өткізеді. Бұл іс-шаралар еліміздің бай мәдени мұрасын көрсететін ұлтаралық келісімді, әскери қызметшілер арасындағы патриоттық пен достықты нығайтуға септігін тигізеді", – деді депутат Нұрланов.
Айтпақшы, Ұлттық ұлан қатарында отыздан астам ұлт өкілдері қызмет етеді. Олардың ішінде орыстар, өзбектер, татарлар ең көп. Эстониялықтар, гректер және камчадалдар саны азырақ.
Сондай-ақ ведомство алты тілді жетік меңгерген сарбаз Шахбоз Сатыбалдиевтің Түркістан қаласында орналасқан 5574 әскери бөлімінде қызмет ететінін хабарлады. Туған тәжік тілінен бөлек, қазақ, өзбек, түрік, корей, орыс тілдерін жетік меңгерген.
Полиглот Астанадан қызметке шақырылды.
Қазақстан – 150-ден астам ұлттар мен ұлыстар бейбітшілік пен келісімде өмір сүріп жатқан көпұлтты мемлекет. Ұлттық бірлік күні 30 жылдан бері барлық этностар арасындағы достық пен келісімнің маңызды мерекесі болып табылады. 1996 жылдың 1 мамырынан бастап тойланады.