Болжамға сәйкес, республикамыздың шығысында ғана жауын-шашынсыз ауа райы күтіледі.
"Оңтүстік циклонның жүруіне байланысты Қазақстан аумағының басым бөлігінде ауа райының тұрақсыз сипаты күтіледі: найзағай ойнап, бұршақ жауады, солтүстік-батыс өңірде нөсер жаңбыр болады... Республикамыз бойынша ортақ табиғи құбылыс - желдің күшеюі, еліміздің оңтүстігінде шаңды дауыл тұрады деп болжанады. Түнде және таңертең еліміздің солтүстігінде, солтүстік-батысында тұман түседі. Күндіз Алматы, Жамбыл облыстарының оңтүстік-батысында қатты ыстық болады". "Қазгидромет" РМК
Сондай-ақ, гидрометеорологиялық орталық өзге қолайсыз ауа райы сипатын да атап өтті:
- жоғары өрт қаупі – Қызылорда, Жамбыл, Түркістан, Абай облыстарында, Алматы облысының солтүстігінде, орталығында, Атырау өңірінің оңтүстік-батысында, Батыс Қазақстан облысының батысында, Қарағанды облысының батысында, солтүстігінде, оңтүстігінде, шығысында, орталығында, Ұлытау облысының батысында, шығысында, оңтүстігінде, орталығында, Ақтөбе өңірінің оңтүстігінде, оңтүстік-шығысында, батысында, Павлодар облысының батысында, оңтүстігінде, оңтүстік-шығысында, Қостанай өңірінің орталығында, Маңғыстау облысының оңтүстігінде, солтүстігінде, Шығыс Қазақстан облысының оңтүстігінде, орталығында, солтүстік-батысында, Ақмола облысының батысында, оңтүстігінде, оңтүстік-шығысында, Жетісу облысының батысында, оңтүстігінде, шығысында;
- төтенше өрт қаупі - Түркістан облысының батысында, шөлейтті аудандарында, Қызылорда облысының орталығында, шығыста, Жамбыл облысының батысында.
Бұған дейін синоптиктер алдағы үш күнде, 2025 жылғы 8-10 мамыр аралығында Астана, Алматы және Шымкент қалаларында ауа райы қандай болатынын айтқан болатын.