11 маусымда таратылған хабарламаға сәйкес, жалақы деңгейі бойынша ең жоғары ұсыныстар келесі лауазымдар бойынша тіркелді:
- тау-кен өнеркәсібіндегі басшының орынбасары (орта есеппен 788 мың теңгеден),
- бас құрылысшы (662 мыңнан)
- бұрғылаушы-инженер (605 мыңнан) лауазымдарына тіркелді.
Жұмыс іздеушілер арасында ең жоғары жалақы күтетін
- ұшқыш (орта есеппен 2,3 млн теңгеден),
- IT жобаларды әзірлеу бөлімінің басшысы (1,2 млн теңге),
- өндіруші саладағы участке басшысы (1,1 млн теңге) лауазымдарына үміткерлер тіркелді.
Кадрға ең жоғары қажеттілікті дәстүрлі түрде білім беру (15 мыңнан астам бос жұмыс орны), қызмет көрсетудің басқа түрлері (10,7 мың) және құрылыс (8,5 мың) салалары көрсетті. Сұраныс негізінен ірі қалалар мен агроөнеркәсіптік аймақтарда шоғырланды.
Орташа білікті мамандар тапшылығы байқалды – сұраныс ұсыныстан 16%-ға асып түсті. Сонымен қатар, жоғары білікті лауазымдарға жұмыс берушілердің ұсыныстарынан сан жағынан асып түсетін жұмыс іздеушілер тарапынан бәсекелестік күшейді.
Жұмыс берушілердің ең жоғары белсенділігі Астана қаласында (барлық бос жұмыс орындарының 11,5%-ы), Түркістан (7,5%) және Павлодар (7,1%) облыстарында тіркелді. Бірқатар өңірлерде бос жұмыс орындарының саны төрттен бірінен астамға қысқарды: Батыс Қазақстан облысында – 36%-ға, Алматыда – 35%-ға, Маңғыстауда – 34%-ға, Ұлытауда – 25%-ға.
34 жасқа дейінгі жастар жұмыс іздеушілердің ең белсенді санаты болып қалды – олар барлық түйіндемелердің 44%-ын құрайды (110 мыңның 48,6 мыңы). Олардан кейін орта жастағы үміткерлер (37%). Жынысы бойынша барлық жұмыс іздеушілердің 52,8%-ын әйелдер, 47,2%-ын ерлер құрайды.
Жұмыс іздеушілер белсенділігінің төмендеуі Алматы қаласында (-28%) байқалды, басқа өңірлердің көпшілігінде төмендеу көрсеткіші 15%-дан аспады.
Сұранысқа ие мамандықтардың ішінде тәртіп сақшыларына (1,8 мың бос орын), медбикелер (1,7 мың) мен жүргізушілерге (1,5 мың) сұраныс сақталды.
Осылайша, мамыр айында жұмыс берушілер тарапынан да, жұмыс іздеушілер тарапынан да белсенділіктің қалыпты төмендеуі байқалады. Жалпы жұмысшылар, жүргізушілер, күзетшілер және медицина қызметкерлері сұранысқа ие болып қала береді. Күтілетін жалақы деңгейі, әдетте, жасына қарай өседі, бұл кәсіби тәжірибе, біліктілік және мансаптық амбициялар арасындағы қатынасты көрсетеді.