Құспан 2025 жылға арналған бюджетте әрбір сотталғанға күніне 2900 теңге қарастырылғанын хабарлады.
"Рақымшылық 15 мың адамға қатысты болғандықтан, оның ішінде 4100 адам бас бостандығынан айыру орындарынан босатылуы тиіс болса, жылына шамамен 5 миллиард теңге үнемделеді деп жоспарлануда. Бірақ бұл алдын ала есептер", – деді мәжілісмен.
Бұған дейін хабарлағанымыздай, бүгін, 2025 жылғы 11 маусымда Мәжіліс депутаттары палатаның жалпы отырысында "Қазақстан Республикасы Конституциясының отыз жылдығына байланысты рақымшылық жасау туралы" заңды қабылдады. Құжат Сенаттың қарауына жіберілді.