Бұл туралы "Қазгидромет" РМК баспасөз қызметі ұсынған ағымдағы жылдың жаздың соңғы айындағы республика бойынша ауа райы болжамында айтылған:
"Тамызда ай тұрақсыз ауа райымен басталады. Республика бойынша атмосфералық фронттардың өтуімен күн күркіреп, жаңбыр жауады, солтүстік-батыста, солтүстікте, шығыста, орталықта, елдің оңтүстік-шығысында және шығысында таулы аймақтарда қатты жаңбыр, бұршақ, желдің күшеюі, оңтүстікте желдің ұйытқуы күтіледі."
Болжам бойынша тамыз айының бірінші онкүндігінде:
- Республиканың батысында және оңтүстік-батысында ауа температурасы түнде +18+28°C-тан +13+20°C-қа дейін төмендейді, күндіз – қатты ыстықтан +33+41°C-тан +25+33°C-қа дейін;
- Қазақстанның солтүстік-батысында ауа температурасы түнде +7+20°С-тан +13+28°C-қа дейін көтеріледі, күндіз +21+35°C-тан +27+38°C-қа дейін ауытқиды;
- Республиканың солтүстігінде, орталығында және шығысында ауа температурасы түнде +5+13°C-тан +12+20°C-қа дейін, күндіз +15+22°C-тан +25+35°C-қа дейін ауытқиды деп күтілуде;
- Республиканың оңтүстік облыстарында ауа температурасы түнде +10+17°C-тан +18+25°C-қа дейін көтерілсе, күндіз +28+38°C-тан +33+40°C-қа дейін қатты ыстық болады.
"Тамыз айының екінші және үшінші онкүндігінде температураның ауытқуы байқалады: ыстық күндер салқын және жаңбырлы күндерге ауысады". "Қазгидромет" РМК баспасөз қызметі
Синоптиктердің мәліметінше, айдың екінші және үшінші онкүндігінде ауаның негізгі фондық температурасы:
- батыс облыстарда түнде +11+17°C, күндіз +21+27°C, кей күндері ауа температурасы түнде +18+26°C, күндіз +28+35°C дейін, Маңғыстау облысында +40°C дейін көтеріледі деп күтілуде;
- республиканың солтүстік облыстарында және шығысында ауа температурасы түнде +4+10°C-тан +12+18°C-қа дейін, күндіз +16+23°C-тан +24+32°C-қа дейін ауытқиды деп күтілуде;
- Республиканың орталығында және оңтүстік-шығысында – ауа температурасы түнде +6+13°С-тан +15+20°С-қа дейін, күндіз – +19+28°С-тан +28+36°C-қа дейін құбылады, республиканың оңтүстігінде кей күндері ауа температурасы күндіз +33+42°С-қа дейін көтеріледі.
"Ескерту: ай сайынғы болжам кеңес беру ретінде пайдаланылуы керек, ол кейіннен синоптикалық жағдайдың өзгеруіне қарай түзетіледі және онкүндікке арналған ауа райы болжамымен жаңартылады", – деп қорытындылады "Қазгидромет" РМК баспасөз қызметі.
Бұған дейін синоптиктер Астана мен Атырау тұрғындарына ескерту жасаған болатын.