Журналистер міндетті маркировка енгізілгеннен кейін бағаның өсетініне қатысты сұрақ қойды.
"Маркировканы біз бағасын өсіру үшін енгізіп отырған жоқпыз, таңбалаудың мультипликативті әсері бар. Біріншіден, бұл – көлеңкелі экономикамен күрес. Шын мәнінде зергерлік бұйым өндірушілер үшін бұл заңсыз өнімдерді айналымнан шығарып, заңды сатуларын арттырудың бір тәсілі", – деді Арман Шаккалиев.
Естеріңізге сала кетейік, бұған дейін премьер-министр Олжас Бектенов Сауда және интеграция министрлігіне маркировканың маңыздылығы мен оң әсері туралы бизнесті жақсырақ хабардар ету қажеттігін айтқан болатын.