Министрлік мәліметінше, конкурсқа түскен өтініштер қаралып, қолданыстағы ережелерге сәйкес гранттарды бөлу рәсімі өткізілді.
"Биыл конкурсқа 20 мыңнан астам өтініш түсті. Бұл өткен жылмен салыстырғанда 5 мыңға артық. Болашақ магистранттар арасында ең жоғары сұранысқа ие бағыттар: "Педагогикалық ғылымдар", "Ақпараттық-коммуникациялық технологиялар", сондай-ақ "Инженерлік, өңдеу және құрылыс салалары", - делінген 21 тамызда таратылған хабарламада.
Грант тағайындау конкурсының нәтижелері 23 тамызда ғылым және жоғары білім министрінің, ҚР ҒЖБМ мен Ұлттық тестілеу орталығының ресми әлеуметтік желідегі парақшаларында жарияланады:
- https://t.me/SayasatNurbek,
- https://www.facebook.com/sayasat,
- https://www.instagram.com/sayasatnurbek/,
-
https://sayasatnurbek.com/.
Айта кетейік, 2025 жылғы 7 тамызда Қазақстанның Ғылым және жоғары білім министрлігі 2025-2026 оқу жылына арналған мемлекеттік білім беру гранттары иегерлерінің тізімін жариялаған еді.