Zakon.kz тілшісінің мәліметінше, Mitsubishi Diamante және Kia K5 маркалы көліктер соқтығысқан.
Mitsubishi Жамақаев көшесімен оңтүстік бағытта, тауға қарай көтеріліп келе жатқан. Ал Kia Затаевич көшесімен батысқа қарай жүріп келе жатқан.
Сурет: Zakon.kz
Kia жүргізушісі "жол бер" белгісін елемей, қиылысқа шығып кеткен. Салдарынан екі көлік соқтығысып, бір бағытқа қарай ұшып кеткен.
Сурет: Zakon.kz
Kia бордюрге шығып кетіп, қарағайға соғылған. Ал Mitsubishi дәл сол бордюрден асып өтіп, азық-түлік дүкенінің қоршауы мен қабырғасына соғылды.
Сурет: Zakon.kz
Апат салдарынан Mitsubishi жүргізушісі жарақат алып, жедел жәрдем бригадасы ауруханаға жеткізді.
Сурет: Zakon.kz
Сонымен қатар дәрігерлер Kia-ның жолаушысына ерекше назар аударды — ол алкогольдік мас күйде болған. Ал көлік жүргізушісі медициналық тексеріске дейін көліктен шығып кеткен.
Сурет: Zakon.kz
Жол апаты болған жерде жол-патрульдік полиция қызметкерлері жұмыс істеп жатыр.
Бұған дейін Алматыда жүргізушісіз қалған көліктің өзен арнасына тұрып қалғанын хабарлаған едік.