Оның айтуынша, цифрлық теңгені тарату қаржы нарығының қатысушылары арқылы жүзеге асырылады.
"Цифрлық теңге", "цифрлық шот" деген ұғымдар бекітіліп, оны банктік шотқа теңестіргеннен кейін, банк құпиясы мәртебесі сақталған соң, сондай-ақ заң талаптарына сәйкес өндіріп алу шараларын қолдану мүмкіндігі енгізілгеннен кейін және заңнамалық база қалыптасқан соң цифрлық теңгені есеп айырысуда қолдануға болады", - деді Шолпанқұлов.
Сондай-ақ ол жаңа валютаны нақты қай жерде пайдалануға болатынын түсіндірді.
"Бүгінде біз банк секторында, пост-терминал арқылы және мультивалюталы картаны пайдалану арқылы тауарлар мен қызметтер үшін төлем жасау мүмкіндігін сынақтан өткіздік. Цифрлық теңге өзінің тиімділігін көрсетті және түрлі ортада еркін қолдануға дайын. Бұл валюта қолма-қол және электрон ақшаның басты қағидаттарын біріктірді", - деп толықтырды Шолпанқұлов.