Айта кетейік, Семей қаласының әкімін сайлау 12 қазанда өтті.
"Сайлау округінің сайлаушылар тізіміне 220 761 азамат енгізілген, олардың 118 553-і дауыс берді. Жарамсыз бюллетень саны – 2482, "Барлығына қарсы" бағанасына таңба қойғандар – 4310", – делінген Семей аумақтық сайлау комиссиясының хабарламасында.
Кандидаттарға берілген дауыстар саны:
- Бекжасаров А.К. – 9763;
- Кожанбаев А.Н. – 89 441;
- Тулеуов К.М. – 12 557.
"Семей қаласының Абай облысындағы жаңа әкімі болып Адлет Нурсагатович Кожанбаев сайланды, 1980 жылы туған. Ол бұрын Абай облысы Көкпекті ауданының әкімі болып жұмыс істеді, Көкпекті ауылында тұрады, өзін-өзі ұсыну арқылы кандидат ретінде ұсынылды", – деп толықтырды Семей аумақтық сайлау комиссиясы.