Азаматтық авиация комитетінің Zakon.kz-ке берген мәліметінше, бортта 216 жолаушы болған.
"Әуе компания өкілдері жолаушыларға Ыстамбұл қаласына қайта ұшып, кейін 2-3 күннен соң Ақтөбеге жалғастырушы рейспен жету нұсқасын ұсынды. Алайда бұл нұсқадан 186 жолаушы бас тартып, Ақтөбеге өз бетімен жетуге шешім қабылдады", - делінген хабарламада.
Сонымен қатар әуежайдың желілік полиция бөлімі қызметкерлері, әуе компания өкілдері және авиациялық қауіпсіздік қызметі жолаушыларға түсіндіру жұмыстарын жүргізген.
"Келіссөздер нәтижесінде жолаушыларға әуе компанияның тұру орнын қамтамасыз ету және Ақтөбеге әуе билеттер беру жөніндегі міндеттемелерін растайтын электрондық қолхат жіберілді. Қазіргі уақытта әуе компания мен жолаушылар арасында келісімге қол жеткізілді. Жолаушылар әуе кемесін тастап шықты, оларға қонақүй мен тамақ беріледі", - деп хабарлады ведомство.