"Қазгидромет" синоптиктерінің болжамынша, солтүстік-батыс циклоны әсерінен республика аумағының басым бөлігінде ауа райы тұрақсыз болады.
"Қар жауады, батыс пен оңтүстікте жаңбыр мен қар түріндегі жауын-шашын түседі. Батыс аймақтарда жауын-шашын күшейетіні болжанып отыр", - деп ескертті синоптиктер.
Сонымен бірге ел бойынша тұман түсіп, көктайғақ болып, жел күшейеді. Батыста, солтүстікте, шығыста және орталықта боран соғады.
Жетісу облысындағы Алакөл көлдері маңында түнде желдің екпіні секундына 30 метр және одан да жоғары болады.