Бұл туралы бүгін, 2026 жылғы 6 қаңтарда ҚМА баспасөз қызметі мәлімдеді.
"Бір жыл бойы кәсіби ақша жылыстатушылар тобы Binance платформасында цифрлық активтерді айырбастау операцияларын жүргізген. Криптоәмияндар арқылы өткен жалпы айналым 1,88 млрд теңгеден асты",- делінген ақпаратта.
Ведомство атап өткендей, күдіктілер Telegram-арналар арқылы есірткі сатудан түскен 603 млн теңгені заңдастырған.
"Схемада шетел азаматтарының атына тіркелген дроп-карталардың ұйымдасқан желісі пайдаланылған. Қылмыстық жолмен алынған табысқа күдіктілер тұрғын үй, пәтер, 5 автокөлік сатып алып, сондай-ақ отбасылық мейрамхана салған. Соттың санкциясымен аталған мүлікке тыйым салынды".ҚР ҚМА баспасөз қызметі
Схемада шетел азаматтарының атына тіркелген дроп-карталардың ұйымдасқан желісі пайдаланылған. Қылмыстық жолмен алынған табысқа күдіктілер тұрғын үй, пәтер, 5 автокөлік сатып алып, сондай-ақ отбасылық мейрамхана салған. Соттың санкциясымен аталған мүлікке тыйым салынды.
Қылмыстық іс сотқа жолданып, екі күдікті қамауға алынды.
ҚР ҚПК-нің 201-бабына сәйкес өзге ақпарат жария етуге жатпайды.
Бұған дейін Астана әкімдігі елордалық тұрғын үй кешендеріне тексеру жүргізе бастағанын жазғанбыз.