Министрдің айтуынша, әуежайлар бұрын жанармай құю қызметінде монополияға ие болған.
"Бұрын монополия болды. Қазіргі таңда "ҚазМұнайАэро" – ұлттық мұнай-газ компаниясына әуежайларда тікелей "ұшақ қанатына" жанармай құюға мүмкіндік берілді. Бұл бірден бағаларды төмендетуге жол ашты. Қазір "ұшақ қанатына" жанармай құю бағасы 1200–1250 доллардан 940 долларға дейін түсті. Біздің мақсатымыз – оны тоннасына 890 долларға дейін түсіру. Бұрын монополия болған, қазір ол жойылды", – деді министр.
Естеріңізге сала кетейік, 2026 жылғы 21 қаңтарда көлік министрі Нұрлан Саураңбаев та осы мәселеге қатысты пікір білдірген болатын.
Ал 2026 жылғы 20 қаңтарда Президент Қасым-Жомарт Тоқаев Қазақстандағы авиакеросин бағасын "өте жоғары, көршілес мемлекеттердегі әуежай бағасымен салыстырғанда бәсекеге қабілетсіз" деп бағалаған еді.