Жамбыл облысы ПД мәліметіне сүйенсек, тексеру нәтижесінде жүргізушінің Түркістан облысының тұрғыны екені белгілі болды. Ол жоғары жылдамдықпен жүру кезінде бейнебақылау камераларына түсіп қалмау үшін мемлекеттік нөмірін әдейі жапқанын мойындаған.
"Аталған құқық бұзушылық бойынша жүргізуші әкімшілік жауапкершілікке тартылды. Сот шешімімен оған бір жыл мерзімге көлік жүргізу құқығынан айыру жазасы тағайындалып, сондай-ақ бір тәулікке әкімшілік қамаққа алу түріндегі жаза қолданылды",- делінген ақпаратта.
Бұған дейін Қарағанды облысында жол апатынан үш адам көз жұмғанын жазғанбыз.