Мемлекет басшысы атап өткендей, өңірде 700 мыңға жуық жас азамат тұрады, бұл облыс тұрғындарының үштен бірін құрайды.
"Киелі орданың тарихы терең болса, болашағы да сондай жарқын болады", – деді Президент.
Қасым-Жомарт Тоқаев ел жастарына зор үміт артатынын жеткізді.
"Елімізге жаны ашитын, яғни шын мәнінде жанашыр ұрпақ қана Қазақстанның көркеюіне мол үлес қоса алады. Келешек – отаншыл, жасампаз, жауапкершілігі мол жастардың қолында." Президент
Президенттің сөзінше, нағыз отаншыл азамат – ең алдымен өз жұмысын адал атқарып, еңбегімен қоғамға пайда әкелетін адам.
"Жалқау, еріншек адам ешқашан отаншыл бола алмайды. Қоғамға қажет нәрсе – нақты іс, бос сөз емес. Отаншылдық – елге адалдықты іспен көрсету", – деді Мемлекет басшысы.