"Параграф" ақпараттық жүйесі 2025 жылдың қорытындысы бойынша 2026 жылғы 31 наурыздан кешіктірмей келесі салық есептілік нысандарын (СЕН) тапсыру қажет екенін еске салады:
- 100.00, 110.00, 150.00, 180.00 нысандары – корпоративтік табыс салығы (КТС) бойынша декларациялар;
- 220.00 нысаны – жеке табыс салығы (ЖТС) бойынша декларация;
- 531.00 нысаны – заттай нысанда салық міндеттемесін орындау туралы декларация (есеп);
- 540.00 нысаны – үстеме пайда салығы бойынша декларация;
- 560.00 нысаны – тарихи шығындарды өтеу төлемі бойынша декларация;
- 600.00 нысаны – жер қойнауын пайдалануға арналған баламалы салық бойынша декларация;
- 700.00 нысаны – көлік құралдарына салынатын салық, жер салығы және мүлік салығы бойынша декларация;
- 871.00 нысаны – жалдау (пайдалану) шарттарының тізілімі;
- 912.00 нысаны – тіркелген шегерімді қолданатын арнайы салық режиміндегі салық төлеушілерге арналған декларация;
- 920.00 нысаны – бірыңғай жер салығын төлеушілерге арналған декларация.
Сонымен қатар, 2025 жылдың 4-тоқсаны үшін:
101.04 нысаны – бейрезидент табысынан төлем көзінен ұсталатын КТС бойынша есеп ұсынылады.
Бұдан бөлек, жеке тұлғалар 2025 жылға арналған көлік құралдарына салынатын салықты 2026 жылғы 1 сәуірден кешіктірмей төлеуі тиіс.