Қала әкімдігінің ақпаратына сүйенсек, Шемякин көшесінің бір учаскесінде жөндеу жұмыстарының жүргізілуіне байланысты көлік қозғалысына уақытша шектеу енгізіледі.
"30 сәуір сағат 07:00-ден 2 мамыр сағат 07:00-ге дейін Даналық көшесінен Кожедуб көшесіне дейінгі аралықта қозғалыс толық жабылады". Алматы әкімдігі
Атап өтілгендей, жөндеу жүргізілетін аумақта ескерту белгілері мен мердігер ұйым басшысының байланыс дерегі көрсетілген ақпараттық тақта орнатылады.
Сурет: Алматы әкімдігі
"Қала тұрғындары мен қонақтарынан бағытын алдын ала жоспарлау сұралады",- деп мәлімдеді мамандар.
Бұған дейін Алматыда 30 сәуірден бастап бес автобус бағытының жүру сызбасы өзгеретіндігін жазғанбыз.