Оқиға туралы ақпарат 2026 жылғы 16 маусымда Telegram-дағы "Криминальный Казахстан" арнасында жарияланып, оқиға орнынан түсірілген видео да жарияланған.
Алдын ала мәлімет бойынша, төтенше жағдай қыз үйіне қайтуға жиналып жатқан кезде бірнеше секунд ішінде болған. Оның сөмкесінен кенет қою түтін шыға бастағанымен, блогер оны бірден байқамаған.
Диляра сөмкені иығынан шешіп тастамақ болған сәтте қатты жарылыс болып, жалын лезде тұтанған. Куәгерлердің айтуынша, от бірнеше секундтың ішінде қыздың өзін шарпып өткен.
"Ирбис ТВ" телеарнасының мәліметінше, оқиға орнына жедел жеткен дәрігерлер зардап шеккен әйелге алғашқы медициналық көмек көрсеткен.
"Шақырту 14 маусым күні сағат 16:00 шамасында түсті. 39 жастағы әйелдің денесінің 10 пайыздан аз бөлігі термиялық күйік алған. Ол Павлодар қалалық №1 ауруханасының травматология бөліміне жеткізілді", – деп хабарлады Павлодар облыстық жедел медициналық жәрдем станциясы.
Облыстық денсаулық сақтау басқармасының мәліметінше, зардап шеккен блогер ауруханаға жатудан бас тартқан.