Алматы қалалық Полиция департаментінің мәліметінше, оқиға "Райымбек батыр" метро станциясында болған.
"Метрополитендегі полиция қызметкерлері мен көлік қауіпсіздігі қызметінің бірлескен тексеруі барысында рентген-телевизиялық қондырғының көмегімен жолаушылардың бірінің сөмкесінен пышақ пен арнайы құрал – кісен анықталды", – деп хабарлады Алматы қалалық ПД баспасөз қызметі.
Белгілі болғандай, ер адам ұсталып, мән-жайды анықтау үшін Жетісу аудандық полиция басқармасының қызметкерлеріне тапсырылды.
Қазіргі уақытта аталған дерек бойынша тексеру жүргізіліп жатыр.
"Полицейлер оқиғаның барлық мән-жайын анықтап, ұсталған азаматтың әрекетіне құқықтық баға береді", – деп мәлімдеді Алматы қалалық ПД баспасөз қызметі.
Еске салайық, бұған дейін алматылық жас жігіт метро күзетшілерін алдамақ болып, ақыры қамауға алынғаны хабарланған еді.